gemasindah meneruskan ttg blog YB YB kita...nampaknya layarmerah juga buat ulasan melalui blog gotahlantun ...seperti disalinkan dibawah ..baca..renung ..fikir ..komen cadang tq
layarmerah berkata...
salam bro gotahlantun bestlah namo tu..sobab ese pun kadang kadang molantun yo...
pasal blog wakil rakyat kito ahli parlimen dan exco cikgu jenab tu pdgn bro mmg disokong tapi dio org ..wakil rakyat kito tu ..ado maso layari blog ke .. dan boleh torimo kritikan dan pandangan rakyat ko...sey raso dio orang tu syok sendiri ..jadi dato dan yb ..tonggolam dek nikmat dunio..gelaran dan pangkat..dato' saziman dah borapo lamo jadi mp..dari mp biaso ..jadi timb montori ..skrg dah montori ponoh..jago jkr pulak tu..apo yg dio dah buek kek kwsn dio ( kito ? ) .di.ropah..di monceh dan di gomeh..selain sodokah lombu tiap rayo hj.dan hadiri kondughi org org kuek ee..kito kek tampin bokurun mondukung umno..secaro totok..cam tu yo...yg naik sikit adolah duo tigo korek kontraktor kelas F ..tak masuk ..orang kuek saziman isam ..org kampong dan ponoroko rokan jolai pasir bosa jalor ..camtu yo..kek kampong nasib baik ado pinggir hasil usaho tok taha dan tok saleh dulu ..rogo gotah ado baik sikit..tokia-kia yo nak sokolahkan anak..ponoroko ..nasib baik ado felda boleh pajak kobun sawit RM 150.00 sekar sobulan..konolah bini kojo kilang..dimalako..sonawang dll ..kek monceh dan gomeh ..mano ado kilang..nak cari kojo susah..nak boniago ..org tak ramai..tokun..dah takdo bajet..mara pun samo..nak botani..tanah takdo lai..bantuan jbtn pertanian..sotaun sokali..kito pun kotai nunggu tu kalau dapek..
agak ee di nsdk daerah paling bangsat daerah tampin lah..langsung tak ado projek..sgt sikit inbstitusi kjn utk ramaikan umat dan banyakkan duit berpusing..banding dgn rombau yolah..jauh bona kito kotinggalan..
apo yg sobona ee tojadi bro gotahlantun ?
dato dato' kito tu ..takdo buek porancangan tosusun nak majukan tampin.ko...ado ko ? dio org tu sorah bulat bulat pado otak do..patut ee dio yg arah do bukan sobalek ee. Konolah buek masterplan..konolah kaji apo masaalah rakyat ..konolah ado think tank..org monceh dan gomeh ramai yo yg corodik dan berjawatan tinggi..contoh ee saorg pegawai tinggi yg jago industri di MITI budak londah ..ramai lai lah...sey ado tanyo dio jaman tok yasin bokoso dulu..tlglah bawak industri ko gomeh..dio jawab nak bawak kek mano bang kjn nogori takdo istihar kwsn industri kek gomeh pun ..tok mat ..goma jago lombu..yo.dah tu boribu ekar tanah kek kem ( dlm 20 -30 tahun - akan bonilai tinggi ) dah bagi kek cino..salah sorang chua yg dulu jual jubin di monceh dapek tanah 1500 ekar kek camp ..kok tanah tu buek tanah pinggir bagi kek melayu kampong kan lobih baik yo tak ?
elok yo diposan pado tok jiman kito tu..umno tampin dah kuek ko...pru ke 13 ni ok ke? sey tgk takdo pun soho nak dapek skgn org mudo...bolio ..mayc ..4b ko dah longlai ..soho indroktinasi ..patut di buek torus monorus ..tambahan pulak gamai cikgu anti umno atau tak poduli kek umno..camno nak sokong umno ..meko tu intelek tempatan..takkan nak berboskan tukang kobun yang jadi ajk umno bhgn tampin ..budak budak tok jiman..kek gomeh sojak kak jenab ..jadi yb cam losu yo..dah mcm tak ado umno yo dah..posaanlah pado tok jiman tu jangan leko dan syok sendiri ...sok umno kok monyarap...mungkin dio tak poduli yolah dio dah kayo..kito kek bawah yang sayang pada umno ni yang akan moraung bro
TAPI...layarmerah angkek tabik kek kak enab..dapek tunai janji pru 12 ..nak buek unibesiti kek gomeh ..sey donga u.malaya nak buek kampus cawangan kek golf kelab..syukur..akak sey tu dah mulo buek kojo..camtulah kak jgn sogan bona kek saziman tu...dio lupo akak buek..akak mosti ado identiti akak sondiri ..org ckp akak sogan kek saziman ..tulah tadi sey ulang cakap orang lahtu ..thanks kak.
umno konolah buek pembaharuan ..konolah agresif...lebih lebih lagi menawan hati org mudo..tu kek jolai tu..anak anak kito dah daftar ngundi ko..dah jadi ahli umno ko ? konolah borani bawa masuk org corodik pandai..jgnlah asyik org lamo yo..sok umno kok jadi parti org tak corodik..ialah yg corodik masuk pas dan pkr sobab ..umno tak nak terima...
kek sini yolah bro gotahlantun..sobab lantun lun bopungut salam takzim
Tiada ulasan:
Catat Ulasan